ഒരു ചെറിയ ഇടവേളയ്ക്ക് ശേഷമുള്ള വായന. ആഖ്യാന ശൈലി കൊണ്ട് അമ്പരപ്പിച്ച വായന. എല്ലാം സാധാരണ വായനയുടെ ചട്ടക്കൂടില് നിന്നും വായിച്ചാല് പിടി തരാത്ത കഥകള്. ഒരു കഥയുടെയും ഒഴുക്ക് ഒരു വായനക്കാരനും മുന്കൂട്ടി ഗണിക്കാന് വയ്യാതെ ഒരിക്കലും പ്രതീക്ഷിക്കാത്ത മാനസികമായ തലങ്ങളിലേക്ക് സഞ്ചരിക്കുമ്പോള് വായന തികച്ചും വേറിട്ടതാകുന്നു.
ലൈംഗികതയുടെ വിരക്തമായ ഒരു മുഖം പലപ്പോളും പല വരികളിലും വായനക്കാരന് വായിച്ചെടുക്കാം. തന്തതാഴ്,പ്രതി ശീര്ഷഭോഗം, കരിസ്മാറ്റിക് ശവം, അപസ്മാരകം, ദൃഷ്ട്ടിച്ചാവേര്, ബീജഗണിതം,മരിപ്പുകള്,തിക്കുറിശ്ശി ഒരു കൊറിയന് പദമാണ്, എന്നീ എട്ടു കഥകളും വ്യത്യസ്ത ശൈലിയില് അസാധാരണമായി അവതരിപ്പിക്കുമ്പോള് വായന ഒരിക്കലും നിരാശപ്പെടുത്തിയില്ല. കരിസ്മാറ്റിക് ശവത്തിന്റെ വായനയില് വായനക്കാരന് ശരിക്കും ശ്വാസം മുട്ടുക തന്നെ ചെയ്യും. അപ്സ്മാരകവും പ്രതിശീര്ഷഭോഗവും ദൃഷ്ട്ടിച്ചാവേറും കഥകളില് മുന്നില് നില്ക്കുന്നു. എല്ലാ വായനക്കാരനും വായന സുഖിക്കും എന്നാ അഭിപ്രായം ഇല്ല. കരിസ്മാറ്റിക് ശവത്തിലെ പോലെ കാലുകള് ശീര്ഷകമായി തല തിരഞ്ഞു ചിന്തിക്കാന് കൂടി തയ്യാറായാല് വായനയെ വേറെ തലത്തിലേക്ക് നയിക്കാന് കഴിയും എന്ന് വിശ്വസിക്കാം. പ്രമോദ് രാമന് എനിക്ക് വായനയില് പുതുമുഖമാണ് അത് കൊണ്ട് തന്നെ അദ്ധേഹത്തിന്റെ വേറെ കൃതികള് ഇനിയും തിരഞ്ഞെടുക്കേണ്ടിയിരിക്കുന്നു. പുസ്തകത്തിന്റെ കവര് ഡിസൈന് നന്നായി വായനക്കപ്പുറം ചിത്രം എന്തൊക്കെയോ വിളിച്ചു പറയുന്നപോലെ. എനിക്ക് നല്ലൊരു വായന സമ്മാനിച്ച പുസ്തകം സൗഹൃദങ്ങള് വായിച്ചു തീരുമാനിക്കൂ
പബ്ലിഷര് : ഡി. സി ബുക്സ്
വില : 80 രൂപ
No comments:
Post a Comment